Բարսելոնան ֆիլմ է նկարահանել Պեպեի ոչ սպորտային պահվածքի մասին
«Բարսելոնան» մի ֆիլմ է պատրաստել, որում պատմվում է «Ռեալի» պաշտպան Պեպեի ոչ սպորտային պահվածքի մասին: Տեսանյութը իրենից ներկայացնում է 2011 թվականի «Բարսելոնայի» հետ խաղերի ժամանակ խաղացողի մասնակցությամբ տարբեր դրվագներ:
Ֆիլմը պատրաստվել է դեռևս անցած մրցաշրջանի ավարտին, սակայն այդ ժամանակ կատալոնացիների մարզիչ Խոսեպ Գվարդիոլան չի հանդգնել ներկայացնել տեսաժապավենը հանրությանը: Այս մասին հաղորդում է Goal.com կայքը:
Հիշեցնենք, որ 2012թ. Իսպանիայի առաջնության յոթերորդ տուրի հանդիպումից հետո Պեպեի և «Բարսելոնայի» ներկայիս մարզիչ Տիտո Վիլանովայի միջև լեզվակռիվ էր ծագել: «Ռեալի» պաշտպանը մրցակցի խաղացողներին «սիմուլյանտներ» էր անվանել, իսկ կատալոնացիների մարզիչը նկատել էր, որ կարող է մի ամբողջ ֆիլմ նկարահանել խաղացողի ոչ սպորտային պահվածքը ցուցադրելու համար:
Մարզական լրահոսն ապահովում է SportArmenia.com-ը
