Մոուրինյո. Ռեալի պատմության մեջ իմ ավանդը շատ փոքր է
Մադրիդի «Ռեալի» գլխավոր մարզիչ Ժոզե Մոուրինյոն գնահատել է սեփական աշխատանքը ակումբում, ինչպես նաև խոսել է մրցաշրջանի մեկնարկի մասին։
««Ռեալի» պատմության մեջ ավանդս շատ փոքր է։ Իմ օրոք ակումբը հաղթել է Իսպանիայի առաջնությունում և երկրի գավաթը։ «Ռեալը» մեծ ակումբ է և ցանկացած ֆուտբոլիստ պետք է մեռնի խաղադաշտում այս մարզաշապիկով։
Ինչ վերաբերվում է մրցաշրջանի մեկնարկին, ապա բոլորս մարդ ենք։ Մեր ֆուտբոլիստները խաղացել են Եվրոյում, քիչ են հանգստացել, քիչ պատրաստվել մրցաշրջանին։ Սակայն ես պետք է հաղթահարեմ նաև նման իրավիճակները։
Այժմ լավատեսորեն եմ տրամադրված։ Մտադիր չենք հանձվել և պայքարելու ենք մինչև վերջ։ Տեսնենք՝ ինչ վիճակում կվերադառնան տղաները հավաքականների հետ հանդիպումներից հետո»,- Մոուրինյոյի խոսքերն է մեջբերում ակումբի պաշտոնական կայքը։
Մարզական լրահոսն ապահովում է SportArmenia.com-ը
