Կկանգնեցնեմ Բալոտելիին. Կյաեր
Դանիայի հավաքականի պաշտպան Սիմոն Կյաերը չի վախենում Մարիո Բալոտելիի հետ մրցակցությունից:
«Վստահ եմ, որ Իտալիայի հավաքականի հետ հանդիպման ժամանակ լավ հանդես կգամ և Մարիոյին մեր դարպասը գրավելու հնարավորություն չեմ տա: Կարիերայիս ընթացքում շատ անվանի հարձակվողներին եմ դիմակայել և չեմ կարծում, որ Բալոտելին ինչ-որ բանով առանձնանում է: Բոլորս գիտենք նրա հնարավորությունների մասին: Կարելի է ասել, որ նա Իտալիայի հավաքականի՝ Եվրո 2012-ում հաջողության կերտողներից մեկն էր: Մրցակցի կազմում բավականին բարձրակարգ խաղացողներ կան, և ճիշտ չէ ուշադրությունը միայն Բալոտելիի վրա սևեռել: Ես կկանգնեցնեմ Մարիոյին», – ֆուտբոլիստի խոսքերն է փոխանցում Goal.com-ը:
Մարզական լրահոսն ապահովում է SportArmenia.com-ը
