Բավարիան հունվարին կփորձի գնել Քևին Փրինս Բոատենգին
«Միլանի» 25-ամյա կիսապաշտպան Քևին Փրինս Բոատենգը հայտնվել է Մյունխենի «Բավարիայի» հետաքրքրությունների շրջանակներում, տեղեկացնում է Bild-ը:
Գերմանական ակումբի ղեկավարությունը մտադիր է հունվարի տրանսֆերային պատուհանի ժամանակ «ռոսոներիին» առաջարկել մոտավորապես 25 մլն եվրո ֆուտբոլիստի տրանսֆերի համար:
Հիշեցնենք, որ «Բավարիայում» է հանդես գալիս Քևինի խորթ եղբայր Ժերոմ Բոատենգը: Ավելի վաղ եղբայրները հանդես էին գալիս Բեռլինի «Հերտայում», սակայն վերջին տարիներին մի քանի անգամ վիճաբանել են և գրեթե չեն շփվում:
Մարզական լրահոսն ապահովում է SportArmenia.com-ը
