Ֆալկաոն ցանկանում է լավագույն ռմբարկու դառնալ
Մադրիդի «Ատլետիկոյի» հարձակվող Ռադամել Ֆալկաոն շարունակում է Մեսսիի և Ռոնալդուի հետ պայքարել լավագույն ռմբարկուի կոչման համար։ Այս պահի դրությամբ 3 ֆուտբոլիստի ակտիվում կա 8-ական գնդակ, սակայն «էլ տիգրեն» ցանկանում է մրցաշրջանի ավարտին լինել առաջինը։
«Այժմ մենք բավականին մոտ ենք ընթանում, սակայն արդեն հաճելի է նման մրցակցությունը։ Հույս ունեմ, որ կդառնամ լավագույնը։ Ցանկանում եմ մինչև վերջ պայքարել այս հիանալի ֆուտբոլիստների հետ։ Նվազագույն նպատակս նախորդ մրցաշրջանի գոլերի քանակի կրկնումն է», – կոլումբիացի գոլահարի խոսքերն է մեջբերում Football Espana-ն։
Մարզական լրահոսն ապահովում է SportArmenia.com-ը
