Իտալիայի հավաքականը հարգում է Հայաստանին. Մաջո
Իտալիայի հավաքականի պաշտպան Կրիստիան Մաջոն հայտարարել է, որ իրենք դժվարին հանդիպում են սպասում Հայաստանի դեմ:
«Իմ խաղալու հնարավորությունները բավականին բարձր են: Թիմը պատրաստվում է դժվարին հանդիպման: Մենք շատ բան չգիտենք Հայաստանի մասին, բայց մինչև հանդիպում դեռ շատ ժամանակ կա: Մի քանի օր առաջ խոսել եմ իմ թիմակից Մարեկ Համշիկի հետ, ով հանդիպել էր նրանց անցած տարի: Նա ասաց, որ նրանք անհատներ չունեն, սակայն լավ են աշխատում որպես թիմ: Մենք կնաախապատրաստվենք ուրբաթ օրը կայանալիք խաղին», – Մաջոյի խոսքերը մեջբերում է Football Italia-ն:
Հիշեցնենք, որ աշխարհի 2014թ.-ի առաջնության ընտրական փուլի Հայաստան – Իտալիա հանդիպումը տեղի կունենա հոկտեմբորի 12-ին Երևանի ժամանակով 21:00-ին:
Մարզական լրահոսն ապահովում է SportArmenia.com-ը
