Տիկնայք և պարոնայք, կարող եք ամուսնանալ տանը
ՀՀ կառավարությունն իր այսօրվա նիստում հաստատել է քաղաքացիական կացության ակտերի գրանցման մարմնի աշխատավայրից դուրս ՔԿԱԳ կատարելու դեպքերը և կարգը, որը հնարավորություն է տալիս ամուսնության պետական գրանցումը կատարել ՔԿԱԳ մարմնի գրասենյակից դուրս` համապատասխան վայրում` վճարելով 50 հազար դրամ։
Նշենք, որ հայկական միջավայրում «զագսից դուրս» ամուսնությունները նորություն չեն, և վերջերս բավական մոդայիկ է դարձել այդ արարողությունը կազմակերպել առավել հանդիսավոր, հենց հարսանյաց սրահում։ Տարբերությունն այն էր, որ հավելյալ վճարվող գումարն այսուհետ կգնա ոչ թե «Զագսի վարիչի» գրպանը, այլ՝ պետական բյուջե։։
