Ադրիանո Չելենտանոն կերգի Կարպովի շախմատային ինտերնետ-դպրոցի բացման արարողության ժամանակ
Հոկտեմբերի 19-ին Վերոնայում կկայանա Անատոլի կարպովի շախմատային ինտերնետ-դպրոցի բացման արարողությունը: Հրավիրվածների թվում է նաև աշխարհահռչակ դերասան, երգիչ Ադրիանո Չելենտանոն, ով 10-ամյա ընդմիջումից հետո որոշել է վերսկսել արտիստի գործունեությունը: Այս մասին հաղորդում է Chess-news-ը: Ցանցային դպրոցը կգործի ամբողջ Եվրոպայում, կենտրոնը կլինի Վերոնայում:
«Չելենտանոն և Կարպովը հին ընկերներ են: Որքան գիտեմ, Չելենտանոն լավ է հասկանում շախմատից, սակայն Կարպովն ու Չելենտանոն երբեք միմյանց դեմ չեն խաղացել»,- հայտարարել է Անատոլի Կարպովի օգնական Սերգեյ Պետելինը:
Մարզական լրահոսն ապահովում է SportArmenia.com-ը
