Արթուր Աբրահամ – Մեհդի Բոուդիա` դեկտեմբերի 15-ին
Գերմանիան ներկայացնող հայ պրոֆեսիոնալ բռնցքամարտիկ Արթուր Աբրահամի (35 հ., 3 պ.) հաջորդ մրցակիցը կլինի ֆրանսիացի Մեհդի Բոուդիան (26 հ., 4 պ.): Աբրահամը, ով օգոստոսի 25-ին պարտության մատնեց Ռոբերտ Շտիգլիցին և նվաճեց WBO տարբերակով չեմպիոնական գոտին, կփորձի տիտղոսը պաշտպանել դեկտեմբերի 15-ին: Այս մասին հաղորդում է Boxingscene-ը:
Բոուդիան վերջին անգամ աշխարհի չեմպիոնի գոտու համար մենամարտել է նախորդ տարվա հունիսին Մայքլ Կեսլերի հետ և 6-րդ ռաունդում նոկաուտի է ենթարկվել: Այդուհետ ֆրանսիացին 4 հաղթանակ է տարել և նրան է պատկանում WBA International տարբերակով չեմպիոնական գոտին:
Մարզական լրահոսն ապահովում է SportArmenia.com-ը
