Յուրա Մովսիսյան. Իտալիայի պաշտպանությունն ինձ չի վախեցնում
Հայաստանի ազգային հավաքականի և «Կրասնոդարի» հարձակվող Յուրա Մովսիսյանը ազգային թիմի մարզումից հետո լրագրողների հետ զրույցում խոսեց առաջիկա խաղի մասին:
«Այն որ Ռուսաստանի հավաքականի ռմբարկուների ցուցակում առաջինն եմ, միայն վստահություն է հաղորդում ինձ ու իմ խաղին:
Մրցակցի խաղին իհարկե ծանոթ ենք, միշտ էլ հետևում ենք նրանց ելույթներին: Ոչ միայն ազգային ընտրանու, այլև «Յուվենտուսի», «Ինտերի» և մյուս թիմերի խաղերին, ֆուտբոլիստների մեծամասնությունն այնտեղ է հանդես գալիս:
Նրանց պաշտպանությունը ինձ չի վախեցնում, պապաս ասում էր` ինքն էլ է տղա, դու էլ ես տղա, եթե կարող ես` հաղթիր: Չգիտեմ, ճեղքումներ կստացվեն, թե ոչ, բայց հուսով եմ` լավ կխաղանք, հատկապես մեր հարկի տակ: Հուսով եմ մարզադաշտը լիքը կլինի ու դա կօգնի մեզ»:
Մարզական լրահոսն ապահովում է SportArmenia.com-ը
