Բլոխինը վիրահատության է ենթարկվել
Կիևի «Դինամոյի» նորանշանակ գլխավոր մարզիչ Օլեգ Բլոխինն այսօր վիրահատության է ենթարկվել: Հիշեցնենք, որ երեկ Բլոխինն իրեն վատ էր զգացել և դիմել էր բժիշկների օգնությանը:
«Բլոխինին մանրակրկիտ բուժզննման են ենթարկել: Քանի որ քներակի մեջ տրոմբ է հայտնաբերվել բժիշկները որոշել են միանգամից վիրահատության ենթարկել նրան։ Այն հաջող է անցել, հիվանդ ի վճակը գնահատվում է բավարար»,- բժշկական կենտրոնի տնօրենի խոսքերն է փոխանցում ակումբի պաշտոնական կայքը:
Չի հաղորդվում, թե երբ անվանի մարզիչը կարող է կրկին կատարել ակումբի գլխավոր մարզչի պարտականությունները։
Մարզական լրահոսն ապահովում է SportArmenia.com-ը
