Մրցավարը ձերբակալվել է ցանցահենության մեղադրանքով
Մրցավար Դին Մոհարեբը, ով երեկ պետք է սպասարկեր Չեմպիոնշիփի` «Բարնսլի»-«Պիտերբորո» հանդիպումը, ձերբակալվել է կիրակի առավոտյան:
Մրցավարը մեղադրվում է Անգլիայի ֆուտբոլի ասոցիացիայի աշխատակիցներից մեկի էլեկտրոնային հասցեն կոտրելու մեջ, որտեղ գտած ինֆորմացիան նա փոխանցել է լրատվամիջոցներին:
Հաղորդվում է, որ էլեկտրոնային փոստը պատկանում է Ջենի Ֆրամպտոնին: Այն բանից հետո, երբ տեղեկությունը հրապարակվել է, Ֆրամպտոնը հեռացվել է աշխատանքից: Այժմ վերջինս պահանջում է ՖԱ-ից վերադարձնել իրեն պաշտոնը, որտեղ նա աշխատել է վերջին տաս տարիներին` պնդելով, որ այդ տվյալները կեղծ են:
Ոստիկանության հաշվետվության մեջ նշված է, որ 29-ամյա մրցավարի մոտ նրանք հայտնաբերել են այն տեխնիկան, որով նա, ենթադրվում է, կոտրել է Ֆրամպտոնի փոստը:
Մարզական լրահոսն ապահովում է SportArmenia.com-ը
