Ես Մոդրիչից ավելին եմ սպասում. Մոուրինյո
Մադրիդի «Ռեալի» գլխավոր մարզիչ Ժոզե Մոուրինյոն խոսել է թիմի նորեկ, կիսապաշտպան Լուկա Մոդրիչի մասին:
«Մոդրիչը դեռ ցույց չի տվել այն ամենը, ինչ ես նրանից սպասում եմ: Նրա խաղում շատ բան պակասում է: Նա պետք է երկար բնակվի Մադրիդում, վստահություն ձեռք բերի իր ուժերի նկատմամբ և հասկանա, թե ինչ է իրենից սպասում մարզիչը: Բացի այդ, նա պետք է ավելի պահանջկոտ լինի ինքն իր նկատմամբ», – Մոուրինյոյի խոսքերն է մեջբերում Marca-ն:
Հիշեցնենք, որ ամառային տրանսֆերային պատուհանի ժամանակ «Արքայական ակումբին» մեծ դժվարությամբ էր հաջողվել ձեռք բերել խորվաթ ֆուտբոլիստին:
Մարզական լրահոսն ապահովում է SportArmenia.com-ը
