Անվիճելի առաջատարը. Մխիթարյանը՝ Շախտյորի օգոստոս ամսվա լավագույն խաղացող
Շատ քիչ ժամանակ պահանջվեց, որպեսզի պարզ դառնար «Շախտյորի» օգոստոս ամսվա լավագույն ֆուտբոլիստը: Երեկ կայացավ ամսվա վերջին հանդիպումը, իսկ այսօր արդեն կարելի է վստահորեն նշել, թե ով է լավագույն խաղացողը: Ակումբի պաշտոնական կայքի այցելուները առանց վարանելու իրենց ձայները մեկը մյուսի հետևից տվեցին Հենրիխ Մխիթարյանին:
Հարցմանը մասնակցել են 389 այցելուներ: 4-ական ձայն են հավաքել (1,03%) Դարիո Սրնան ու Մարկո Դևիչը: Նրանք կիսում են երրորդ հորիզոնականը: Երկրորդ տեղում է դարպասապահ Անդրեյ Պյատովը, ում օգտին են քվեարկել 10 հոգի (2,56%): Իսկ հաղթանակը, հսկայական առավելությամբ, տանում է Հենրիխ Մխիթարյանը: Հայ կիսապաշտպանի օգտին է քվեարկել հարցվողների բացարձակ մեծամասնությունը՝ 358 հոգի (91,78%):
Նշենք, որ լավագույնին որոշում են ոչ միայն այս հարցման արդյունքներով, այլևս «Շախտյորի» վետերանների ու փորձագետների կարծիքների հիման վրա: Իսկ թե ինչպես են բաշխվել նրանց ձայները, պարզ կդառնա ակումբային ամսագրի սեպտեմբերյան համարում:
Օգոստոսի լավագույն խաղացող
| Հենրիխ Մխիթարյան | 358 | (91.78%) |
| Անդրեյ Պյատով | 10 | (2.56%) |
| Մարկո Դևիչ | 4 | (1.03%) |
| Դարիո Սրնա | 4 | (1.03%) |
| Ընդհանուր առմամբ քվեարկել են | 389 |
Մարզական լրահոսն ապահովում է SportArmenia.com-ը
