Չարժե համեմատել Մեսսիին ու Մարադոնային. Մասկերանո
«Բարսելոնայի» ու Արգենտինայի հավաքականի կիսապաշտպան Խավիեր Մասկերանոն հայտարարել է, որ կարիք չկա համեմատել Լիոնել Մեսսիին Դիեգո Արմանդո Մարադոնայի հետ, հայտնում է Goal.com-ը:
«Անհրաժեշտություն չկա համեմատել Լիոնելին Մարադոնայի հետ: Մարադոնան իր դարաշրջանի մեծագույն հարձակվողն է, իսկ Մեսսին հիմա աշխարհի լավագույն ֆուտբոլիստն է: Լիոնելը երեք անգամ անընդմեջ նվաճել է «Ոսկե գնդակը»: Աևգենտինացիները շատ են հպարտանում նրանցով, քանի որ նրանք դարձել են առաջինները, ովքեր հասել են նման բարձունքների:
Մեսսիի հետ միասին խաղալը մեծ պատիվ է ինձ համար: Ես ամեն օր նրա հետ եմ: Հետո հիշելու եմ, որ խաղացել եմ բոլոր ժամանակների մեծագույն խաղացողներից մեկի կողքին»,- հայտարարել է Մասկերանոն:
Մարզական լրահոսն ապահովում է SportArmenia.com-ը
