Դրոգբան ինքնաեռ է նվեր ստացել ռուս լրագրողներից

Կոտ դ’Իվուարի հարձակվող Դիդյե Դրոգբան ռուսական ինքնաեռ է նվեր ստացել: Աֆրիկացի ֆուտբոլիստին այս տարօրինակ նվերը մատուցել են «Սովետսկի Սպորտ» թերթի լրագրողները: Դրոգբան ազգային հավաքականի հետ ժամանել է Մոսկվա, որտեղ այսօր ընկերական հանդիպում կանցկացնի Ռուսաստանի հավաքականի հետ:

Լրագրողը Դրոգբային հիշեցրել է, որ Ռուսաստանի հավաքականի ֆուտբոլիստ Յուրի Ժիրկովը «Չելսիում» խաղալու տարիներին իվուարցուն օղի էր նվիրում: Նա բացատրել է, որ թեյը Ռուսաստանում օղուց ոչ պակաս հայտնի է, իսկ ինքնաեռը հենց դրա պատրաստման համար է:

Հիշեցնենք, որ Դրոգբան 2004-2012թթ հանդես է եկել «Չելսիում», իսկ անցած մրցաշրջանի վերջում տեղափոխվել է չինական «Շանհայ Շենհուա»:

Մարզական լրահոսն ապահովում է SportArmenia.com-ը