Այս տղային անհնար է կանգնեցնել. Football.ua-ն՝ տուրի խորհրդանշական հավաքականում հայտնված Մխիթարյանի մասին
Ուկրաինական ամենահեղինակավոր կայքերից մեկը՝ Football.ua-ն, հերթական անգամ կազմել է Ուկրաինայի առաջնության տուրի խորհրդանշական հավաքականը: Եվ հերթական անգամ այդ հավաքականում իր պատվավոր տեղն ունի Հենրիխ Մխիթարյանը, ով «Վոլինի» դեմ խաղում կարողացավ դառնալ դուբլի հեղինակ ու դուրս գալ ռմբարկուների ցուցակի առաջին հորիզոնական:
Ահա թե ինչպես է բնութագրում կայքը Հենրիխի խաղը.«Այս տղային կարծես անհնար է կանգնեցնել: Մխիթարյանը իր տեղափոխություններով ուղղակի վերացրեց «Վոլինի» պաշտպանությունը՝ ամեն անգամ ծաղրելով նրանց: Մխիթարյանը երկու գոլ խփեց ու էլի շատ լավ հնարավորություններ ուներ»:
Մարզական լրահոսն ապահովում է SportArmenia.com-ը
