Ինչով զարմացնել Քրքորյանին (տեսանյութ)
Հունիսի 6-ին լրացավ ամերիկահայ միլիարդատեր Քրք Քրքորյանի 95-ամյակը։ 3.3 միլիարդ դոլար կարողության տեր մարդուն դժվար է նվեր մատուցել, սակայն նրա հարսնացուն ելքը գտավ։
Բևերլի Հիլզի հյուրանոցում, որտեղ Քրքորյանը պատրաստվում էր հանգիստ ընթրիք վայելել, նրա հարսնացուն՝ 59-ամյա Ջոան Դանգերֆիլդը, փոքրիկ ներկայացում կազմակերպեց. իբր շփոթել է դռան բանալին։ Այնուհետև, չգիտես որտեղից, հայտնվեցին մի խումբ երիտասարդներ և պարային բացօթյա բեմադրություն ներկայացրին` «To Know Him Is To Love Him» (Իմանալ նրան, նշանակում է` սիրել նրան) երգի հնչյունների ներքո։ Անակնկալը ստացվեց. ֆլեշ-մոբը դուր եկավ միլիարդատիրոջը։
Նշենք, որ 95-ամյա Քրք Քրքորյանը 3.3 միլիարդ դոլարի հասնող կարողությամբ Forbes-ի ամենահարուստ մարդկանց ցանկում զբաղեցնում է 344-րդ տեղը։
Ստորև կարող եք դիտել նաև ֆլեշ-մոբի տեսանյութը, որը թեպետ նոր չի տեղադրվել համացանցում, սակայն չի կորցրել հետաքրքրությունը։
