Հուլիսի 28-ին Գյումրի քաղաքի Աճեմյան 2 հասցեում գտնվող «Իմ մանկության տանգոն» ֆիլմից հայտնի շենքի պատշգամբի արգելապատնեշի մի մասը վնասվել է, իսկ շինության ներսում՝ երկրորդ հարկում, փլուզվել է մեկ կիսաքանդ միջնապատ: Գյումրեցիներն այս շենքը սիրում են անվանել «Վառեմ-մարեմի» շենք։ 2009 թվականին կառավարության որոշմամբ «Կումայրի արգելոց-թանգարանի» կազմից այս շենքը փոխանցվել էր Մշակույթի նախարարությանը։
