Դատական նիստը սկսվեց Հրանտ Բագրատյանի անձի նույնականացմամբ, որից հետո դատավարության կողմերն ասացին՝ դատավորին բացարկի միջնորդություն չունեն հայտնելու: Պաշտպանության կողմը, սակայն, ներկայացրեց քրեական վարույթը դադարեցնելու վերաբերյալ միջնորդություն: Միջնորդությունը ներկայացրեց Հրանտ Բագրատյանի պաշտպան Հովհաննես Քոչարյանը: Միջնորդության հիմքում դրված էր այն, որ օպերլիազորի ներկայացրած աղբյուրը չի համարվում առերևույթ հանցանքի մասին պատշաճ հաղորդում:
