Փաստաբան Վարազդատ Հարությունյանը ֆեյսբուքյան իր էջում այսօր՝ ժամեր առաջ, գրել էր. «Երեկ` քպ-ական պատգամավորի հետ միջադեպի կապակցությամբ ձերբակալված Սամվել Վարդանյանը ձերբակալվածների պահման վայր տեղափոխվելիս` ճանապարհին, մի խումբ դիմակավոր անձանց կողմից ենթարկվել է դաժան ծեծի»:
«Մենք բոլորս ականատես ենք եղել դրան։ Մեծ հարցեր է առաջացնում նաև ձերբակալության օրինաչափությունը և քաղաքի կենտրոնում 20 հոգով դիմակավորված ձերբակալելը անձի, որը կապ ունի Արցախի ղեկավարի հետ, ձերբակալել նախագային սպասարկող մեքենայի միջից՝ մեծ հարցեր է առաջացնում։ Առաջիկայում մենք այդ հարցերի պատասխանները կստանանք։
Երեկ երեկոյան մոտավորապես ժամը 22։30-ի սահմաններում Արզումանյան փողոցում դիմակավորված երկու անձինք հարձակվել են ազատամարտիկ, «Խաչակիրներ» ջոկատի հիմնադիր Շահե Աճեմյանի վրա, հարվածել են նրա գլխին, սակայն, երբ վերջինս նրանցից մեկին հարված է հասցրել՝ դիմակավորված անձինք թողել ու հեռացել են։
«Դիմակավորված հատուկջոկատայինները մտել են, միանգամից թևերը ոլորել են, «չշարժվե՛ք, ոչ մեկ իրար չգա», բոլորին սպառնացել են, ահաբեկել են, «չշարժվե՛ք, հեռախոս չվերցնե՛ք, համակարգչին չդիպչե՛ք», դռներն են ջարդել։ Քացով խփել դռներ են բացել, ապակիներ փշրել․․․»,- ասել էր փաստաբանը։
