Իշխող կուսակցության ներսում և շուրջը վերջին ամիսների և հատկապես վերջին շրջանի զարգացումները, այդ թվում՝ ՔՊ խմբակցությունից Հովիկ Աղազարյանի և հիմա նաև՝ Հակոբ Ասլանյանի հեռացումները, որքանո՞վ են ներքաղաքական և ներկուսակցական խնդիր, և արդյո՞ք այստեղ չկան նաև արտաքին քաղաքական հողի վրա տարաձայնություններ, թեպետ մինչև այժմ նրանք չեն ընդդիմացել Փաշինյանի ադրբեջանամետ դիրքորոշումներին և խաղաղության օրակարգին:
«Այս իշխանության նպատակը մեկն է՝ համակերպվել այս խղճուկ իրավիճակի հետ՝ ցանկացած գնով կառչած մնալով իշխանությունից։ Վստահ եմ՝ դա խաղաղության պայմանագիր չի լինելու, որովհետև Ադրբեջանը որևէ քայլ չի զիջելու, իսկ Հայաստանի այս չարաբաստիկ իշխանությունը, փաստաթղթով ամբողջությամբ հրաժարվելով Արցախին տեր կանգնելու Հայաստանի իրավունքից, Հայաստանը դարձնելու է զրոյական ազդեցությամբ մի երկիր»։
