Տնտեսություն

Ռուսաստանի նկատմամբ կիրառվող պատժամիջոցները շրջանցելու առումով, Արևմուտքը մինչև հիմա, քաղաքական նպատակահարմարություններից ելնելով, լոկալ վերաբերմունք է դրսևորել Հայաստանի իշխանությունների ու նրանց գործողությունների նկատմամբ։ Իմանալով, որ իշխանությունների գիտությամբ Հայաստանի միջոցով մեծածավալ մատակարարումներ են իրականացվում պատժամիջոցների տակ գտնվող ռուսական շուկա, աչք է փակել դրա վրա։

ԽՍՀՄ կրկնակի հերոս, ԽՍՀՄ մարշալ Հովհաննես Բաղրամյանը ռազմարվեստի պատմության մեջ հայտնի է որպես ստրատեգիական անակնկալների մեծ վարպետ: Մարշալ Բաղրամյանը 1941-1945-ի Հայրենական Մեծ Պատերազմի ամենաակնառու զորահրամանատարներից է, որը թե Առաջին Մերձբալթյան ճակատի, և թե Երրորդ Բելոռուսական ճակատի հրամանատարի պաշտոններում աչքի է ընկել ստրատեգիական պլանավորման բարձր կատարողականով և տակտիկական մտքի թռիչքով:

Ամերիկյան ամենահայտնի ներդրումային բանկերից մեկը հանդիսացող «Goldman Sachs» բանկը վերլուծել է Թուրքիայի կենտրոնական բանկի որոշումը 500 բազիսային կետով տոկոսադրույքի բարձրացման վերաբերյալ:

Ենթադրվում է, որ պահուստներն առաջիկայում էլ կնվազեն։ Թեև արդեն այսօրվա դրանց մակարդակը խնդրահարույց է մի շարք միջազգային չափանիշների համադրելիության աստիճանով։ Խոսքը, մասնավորապես, ներմուծման անհրաժեշտ երեք ամսվա ծածկույթ ապահովելու մասին է, ինչին Հայաստանի միջազգային պահուստներն այլևս չեն ձգում։

168.am-ն էներգետիկ ոլորտի փորձագետ, միջազգայնագետ Արմեն Մանվելյանից հետաքրքրվեց՝ ինչպիսի՞ն պետք է լինեն հայկական կողմի հակադարձումներն ադրբեջանական և թուրքական այս պահանջներին, արդյո՞ք այսքան ժամանակ նման հակադարձումներ եղել են, և, ի վերջո, Ադրբեջանն այստեղ կարո՞ղ է որևէ արդյունքի հասնել՝ ինչպես իր մյուս պահանջների դեպքում։

Կառավարությունն Ազգային ժողովին զեկույց է ներկայացրել իր 2023թ. գործունեության վերաբերյալ։ Անկախ նրանից, թե ինչ են գրել զեկույցում, ինչ «փայլուն» արդյունքներ ու շլացնող ցուցանիշներ են ներկայացրել, դրանով չէ, որ պետք է դատել կառավարության լավ կամ վատ աշխատանքի մասին։

Վերջին տարիներին Հայաստանի տնտեսության բարձր աճերը կապված էին հիմնականում արտաքին գործոնների, նաև կապիտալի աննախադեպ հոսքերի հետ։ Ռուսաստանի նկատմամբ կիրառված պատժամիջոցների հետևանքով այդ երկրից ֆինանսական հսկայական հոսքեր էին գալիս, որոնք մեծապես նպաստում էին որոշ ոլորտներում բարձր աճերի ձևավորմանը։

Քաղաքագետ, էներգետիկ հարցերով փորձագետ Վահե Դավթյանը  տելեգրամի իր ալիքում գրում է․ «Մարտի 30֊ից Հայաստանում դադարելու են սպասարկվել ռուսական «Мир» բանկային քարտերը։ Դեռևս անցած տարվա գարնանը ԱՄՆ պետդեպարտամենտի ներկայացուցիչները պահանջեցին Երևանից միանալ հակառուսական պատժամիջոցներին։ Ակնհայտ է, որ «Мир»-ի վերաբերյալ որոշումը այդ քաղաքականության առաջին քայլերից է։ Աշխարհաքաղաքական հարցերը դեռ մի կողմ։ Տնտեսական առումով Հայաստանի համար պատժամիջոցներին միանալը […]

Թուրքիայի առևտրի նախարար Օմեր Բոլաթը հայտնել է, որ մարտի 1-ին Թուրքայի և «Ծոցի համագործակցության խորհրդի» (KİK) միջև ազատ առևտրային համաձայնագրի կնքման շուրջ բանակցություններ սկսելու մասին հայտարարություն է ստորագրվել:

Կոնվերս Բանկը հայտարարում է Converse Mobile՝ նոր, ավելի մեծ հասանելիությամբ հավելվածի գործարկման մասին: Այսուհետ այն անվճար ներբեռնել ու բանկային ծառայությունների համալիր փաթեթից օգտվել կարող են նաև Բանկի հաճախորդ չհանդիսացող անձինք:

Թուրքական բանկերը և ԱՄԷ-ի բանկերն ԱՄՆ-ի պատժամիջոցների վտանգի համատեքստում սահմանափակել են ռուսական ընկերությունների հետ իրենց համագործակցությունը։ Այդ մասին հայտնում են թուրքական մի շարք լրատվամիջոցներ՝ նշելով, որ այս Արևմուտք-Ռուսաստան լարված հարաբերությունների հետևանք են։

Յունիբանկը սահմանված ժամկետից շուտ ավարտել է 2 մլրդ ՀՀ դրամ և 5 մլն ԱՄՆ դոլար ծավալով անվանական արժեկտրոնային պարտատոմսերի տեղաբաշխման գործընթացը: Հաճախորդների վստահության և առաջարկի շահավետ պայմանների շնորհիվ  պարտատոմսերի նկատմամբ պահանջարկը բավականին բարձր է եղել, ինչի արդյունքում պարտատոմսերի տեղաբաշխումն ավարտվել է կարճ ժամանակահատվածում: Պարտատոմսերը ձեռք են բերվել ներդրողների լայն շրջանակի կողմից:

Թուրքիայի Կենտրոնական բանկը տվյալներ է հրապարակել 2019-ից 2023-ն ընկած ժամանակահատվածում Թուրքիայում կատարված օտարերկրյա ուղղակի ներդրումների վերաբերյալ:

Ավելի քան մեկ երրորդով նվազել է թեթև մեքենաների ներմուծումը Վրաստան։ Ըստ Վրաստանի ազգային վիճակագրական ծառայության (Geostat) տվյալների` եթե 2023 թվականին երկիրը գնել է 402 մլն 729.000 դոլարի (28.868 միավոր) ավտոմեքենա, ապա այս տարի այդ ցուցանիշը նվազել է մինչև 258 մլն 122.000 դոլար (17.515 միավոր)։

Երեք և ավելի վարձու աշխատողների չձևակերպման 22 դեպքով 22 հարկ վճարող տուգանվել է 29.5 մլն դրամով:

ՀՀ պետական եկամուտների կոմիտեն երեկ արձագանքել էր 168.am-ի՝ «Հարկեր/ՀՆԱ ցուցանիշի աճը` կառավարության աճպարարության շնորհիվ. Ինչի՞ մասին է լռում կառավարությունը» վերնագրով հոդվածին։

Կարող ես ունենալ շատ նավթ ու գազ, ելք դեպի ծով կամ կենտրոնական ցամաքային դիրք: Այդ ամենն առոչինչ է, եթե չկա պասիոնարություն, որի նկատմամբ քաղաքական կառավարման ձևը, քաղաքական ռեժիմը ունեն ածանցյալ նշանակություն:

ՀՀ կենտրոնական բանկը պարզաբանել է հանրապետության տարածքում ռուսական «Միր» քարտերի սպասարկման հարցը։

Արձանագրված խախտումներից 4 դեպքով 4 հարկ վճարողի մոտ արձանագրվել է 1.0 մլն դրամ և ավելի տուգանք՝ ընդհանուր 15․5 մլն դրամի չափով:

Մասիս խոշորացված համայնքում աղբահանության խնդիրն ամբողջությամբ կլուծվի: Բարերար Միքայել Վարդանյանը համայնքին նվիրել է աղբատար մեքենա, բազմաֆունկցիոնալ սանմաքրման մեքենա, 230 նոր աղբաման և բեռնատար մեքենա:

Ադրբեջանական «SOCAR» նավթագազային պետական ընկերությունը նոր տարբերակներ է դիտարկում Թուրքիայում իր ունեցած ներդրումներն ավելացնելու համար։ Այդ մասին հյատնել է «SOCAR Turkiye»-ի տնօրենի պաշտոնակատար Էլչին Իբադովը։

Կառավարությունն անցնող տարին ամփոփող իր զեկույցում, խոսելով արձանագրված բարձր տնտեսական աճի և ցածր գնաճի մասին, ներկայացնում է մի շարք գործոններ, որոնք դրական ազդեցություն են ունեցել ՀՆԱ-ի բարձր աճի վրա։ Մասնավորապես կառավարությունն իր տարեկան կատարողական զեկույցում գրում է. «2023 թվականի արդյունքներով Հայաստանում արձանագրվել է բարձր տնտեսական աճ և ցածր գնաճ: ՀՆԱ-ի բարձր աճը պայմանավորված է եղել աշխատանքի արտադրողականության, ներդրումների, զբաղվածության և արտաքին առևտրի զգալի աճով։ 2023 թվականի բարձր աճը վկայում է ՀՆԱ-ի պոտենցիալի աճի արագացման մասին»:

Վրաստանի տարածքով անցնող Բաքու-Սուփսի խողովակաշարը Ղազախստանը կարող է օգտագործել սեփական նավթը փոխադրելու համար։ Այս ծրագիրը կփոխի ինչպես տնտեսական, այնպես էլ աշխարհաքաղաքական հավասարակշռությունը Վրաստանում և տարածաշրջանում, գրում է վրաստանյան Radiotavisupleba լրատվականը:

Ինչպիսի՞ն է ներկայում Հայաստանի կապիտալի շուկան, զարգացման ի՞նչ հեռանկարներ կան, և ինչպե՞ս է տեսնում իր մասնակցությունն այդ շուկայի զարգացմանը Կոնվերս Բանկը: «Հայաստանի կապիտալի շուկաները» կոնֆերանսի ավարտից հետո այս և այլ հարցերի շուրջ զրուցել ենք կոնֆերանսի մասնակից, Կոնվերս Բանկի ներդրումային դեպարտամենտի տնօրեն Գրիգորի Զաքարյանի հետ:

Թուրքիայի պողպատ արտադրողների ասոցացիայի (TÇÜD) հրապարակած տվյալների համաձայն՝ 2024-ի հունվարին Թուրքիայում հում պողպատի արտադրությունն անցյալ տարվա նույն ժամանակահտվածի համեմատ աճել է 24․7%-ով՝ հասնելով 3․2 մլն տոննայի։

Տարիներ առաջ կառավարությունը որոշել էր կարճ ժամկետում վերացնել ծայրահեղ աղքատությունը։ Բայց այսօր էլ ծայրահեղ աղքատների քանակը Հայաստանում քիչ չէ։ Պաշտոնական վերջին տվյալներով՝ բնակչության 1,2 տոկոսը ծայրահեղ աղքատ է։

Իրանի ազգային նավթային ընկերության գլխավոր տնօրենը 6՝ Ազադեղանի, Ազեր 2-ի, Սումարի, Սամանի, Դելավարանի և Մասջեդ-Սոլեյմանի նավթահանքերի զարգացման վերին պայմանագրերի ստորագրման արարողության ժամանակ հայտարարել է, որ դրանք կնքվել են 13 միլիարդ դոլարի չափով:

Եվրամիության երկրների կիշռը Հայաստանի հետ հարաբերություններում մեծ չէ։ Դա էլ գնալով կրճատվում է։ Անցած տարի 15,9 տոկոս էր՝ 1,3 տոկոսային կետով քիչ, քան մեկ տարի առաջ։

Վրաստանում անցյալ տարի՝ 2023 թվականին, նկատվել է օտարերկրյա ներդրումների ծավալի նվազում։ 2022 թվականի համեմատ ներդրումները նվազել են 24 տոկոսով:

Հայաստանի Հանրապետության տնտեսական ազատության ինդեքսը վերջին 2 տարում նվազել է որոշ կոմպոնենտների պատճառով։ Այս մասին Sputnik Արմենիայի հետ զրույցում ասաց «Լույս» հիմնադրամի տնտեսական հետազոտությունների խմբի ղեկավար Սոնա Ղարիբյանը։