ՄԱԿ-ի գլխավոր քարտուղարը որոշել է ՄԻԽ-ի նոր ղեկավար նշանակել Չիլիի նախկին նախագահին
ՄԱԿ-ի գլխավոր քարտուղար Անտոնիու Գուտերիշը Գլխավոր ասամբլեային (ԳԱ) ծանուցել է Չիլիի նախկին նախագահ Միշել Բաչելետին Մարդու իրավունքների գերագույն կոմիսարի պաշտոնում նշանակելու՝ իր որոշման մասին: Այդ մասին ասված է օգոստոսի 8-ին համաշխարհային կազմակերպության կայքում հրապարակված հայտարարության մեջ:
Այժմ Բաչելետի թեկնածությունը պետք է հաստատվի Գլխավոր ասամբլեայի կողմից քվեարկության ընթացքում: Ավելի վաղ ՄԱԿ-ում ՏԱՍՍ-ի աղբյուրը հայտնել է, որ ԳԱ-ում քվեարկությունը պետք է կայանա մինչեւ ընթացիկ շաբաթվա վերջը:
ՄԱԿ-ի Մարդու իրավունքների խորհրդի (ՄԻԽ) ներկայիս ղեկավար Զեյդ Ռաադ ալ Հուսեյնը որոշում է ընդունել երկրորդ ժամկետով չընտրվել՝ մի շարք հարցերի շուրջը ՄԱԿ-ի դիրքորոշման հետ սկզբունքային տարաձայնության պատճառով: Ալ Հուսեյնի լիազորությունների ժամկետը լրանում է 2018 թվականի սեպտեմբերին:
Միշել Բաչելետը, որը ծնվել է 1951 թվականի սեպտեմբերի 29-ին Սանտյագո դե Չիլիում, Չիլիի նախագահի պաշտոնն զբաղեցրել է 2006 թվականից մինչեւ 2010 թվականը եւ 2014 թվականից մինչեւ 2018 թվականը՝ դառնալով Չիլիի պատմության մեջ առաջին կինը, որն ընտրվել է պետության ղեկավարի պաշտոնում:
