Մեծ Բրիտանիայում հրե տոռնադո են նկարահանել
Մեծ Բրիտանիայի Դերբիշիրի կոմսությունում կրակի դեմ պայքարող հրշեջները արտասովոր մթնոլորտային երեւույթի՝ հրե տոռնադոյի ականատեսներ են դարձել:
Պտտահողմը հայտնվել է այրվող ֆաբրիկայի մոտ, որտեղ պլաստմասսայե արկղեր էին արտադրում սուպերմարկետների համար: Հրշեջներից մեկը հասցրել է տեսագրել այն, որն այնուհետեւ հայտնվել է Համացանցում:
Այդ մթնոլորտային երեւույթն առաջանում է, երբ մի քանի աղբյուրներից կրակը միավորվում է, շիկացած օդը գնում է վեր, իսկ դրա տեղը ներխուժում են սառը հոսքեր, որոնք հետագայում նույնպես տաքանում են: Երեւույթի մեխանիզմն օդի տաքացման համար անընդհատ աշխատող սարք է հիշեցնում, հաղորդել է ՌԻԱ Նովոստին:
