Ակտիվացրեք վահանաձև գեղձի աշխատանքը
Վահանաձև գեղձի առողջությունը չափազանց կարևոր է, քանի որ այն կարգավորում է հորմոնալ գործընթացները։ Դրանք կարևոր են նյութափոխանակության, տրամադրության, քաշի կարգավորման համար։ Steptohealth.ru-ի հաղորդմամբ՝ գենետիկ նախատրամադրվածության և վնասակար սովորությունների հետևանքով վահանաձև գեղձի աշխատանքը կարող է խանգարվել, կարող են զարգանալ քրոնիկ հիվանդություններ։ Դա նշանակում է, որ չափազանց կարևոր է հետևել այս օրգանի առողջությանը։
Սովորեք կառավարել սթրեսային իրավիճակները։ Սթրեսային իրավիճակները կառավարելու անկարողությունը վահանաձև գեղձի ֆունկցիայի խանգարման պատճառներից է։ Դրա արդյունքում վահանաձև գեղձը կարող է սկսել ավելի քիչ հորմոններ արտադրել, ինչը կապված է կորտիզոլի մակարդակի բարձրացման հետ։
Կոկոսի յուղ օգտագործեք։ Կոկոսի յուղը ճարպաթթուներ է պարունակում, որոնք անհրաժեշտ են վահանաձև գեղձի աշխատանքի կարգավորման համար։ Քանի որ կոկոսի յուղը մեծ քանակով վիտամիններ, հանքանյութեր, հակաօքսիդանտներ է պարունակում, այն հակազդում է որոշ նշանների, որոնք հետևանք են վահանաձև գեղձի աշխատանքի խախտման։
Սննդակարգ ներառեք յոդով հարուստ մթերք։ Յոդի քիչ օգտագործումը հիպոթիրեոզի պատճառներից մեկն է։ Այս հիվանդության դեպքում վահանաձև գեղձը քիչ քանակով հորմոններ է արտադրում։ Օրգանիզմը չի կարող ինքնուրույն յոդ արտադրել, հետևաբար՝ հարկավոր է այն ստանալ սննդից։
Յոդով հարուստ է հետևյալ մթերքը․
- ծովամթերք
- կարմիր միս
- պանիր
- ձու
- հապալաս
- ջրիմուռներ
- ելակ
- բնական յոգուրտ
- կարտոֆիլ։
Ցինկով հարուստ մթերք օգտագործեք։ Օրգանիզմում ցինկի անբավարար մակարդակը կարող է հանգեցնել հիպո և հիպերթիրեոզի առաջացման։
Ցինկ պարունակում է հետևյալ մթերքը․
- ծովամթերք
- խոզի միս
- հավի միս
- սպանախ
- չորամրգեր
- սերմեր
- դառը շոկոլադ։
Ամեն օր մարզվեք։ Ֆիզիկական ակտիվությունը դրական ազդեցություն է ունենում վահանաձև գեղձի առողջության վրա։ Այն կարող է օգնել կարգավորել հորմոնների մակարդակը, հավասարակշռել նյութափոխանակությունը։
Սննդակարգ ներառեք մագնիումով հարուստ մթերք։ Սա հանքանյութերից մեկն է, որը կարևոր է վահանաձև գեղձի առողջության համար։ Այն անհրաժեշտ է նյութափոխանակության, հորմոնալ հավասարակշռության համար։ Այն կարող եք ստանալ հետևյալ մթերքի օգտագործման շնորհիվ․
- ավոկադո
- ձու
- սպանախ
- չամիչ
- եգիպտացորեն
- բանան
- կակաո
- չորամրգեր
- սերմեր՝ դդում, կտավատ, արևածաղիկ։
Նյութը հրապարակման պատրաստեց 168.am-ը
