Թրամփի և Կիմ Չեն Ընի հանդիպումը նախատեսված է հունիսի սկզբին Սինգապուրում. Fox News
ԱՄՆ-ի նախագահ Դոնալդ Թրամփի եւ ԿԺԴՀ-ի առաջնորդ Կիմ Չեն Ընի հանդիպումը նախատեսված է հունիսի սկզբին եւ տեղի կունենա Սինգապուրում: Այդ մասին հայտնել է Fox News հեռուստաալիքը՝ հղում անելով իր աղբյուրներին: Նույն օրը Թրամփը լրագրողներին հայտարարել է, որ Կիմ Չեն Ընի հետ իր հանդիպման վայրն ու ժամանակը կհայտարարվեն առաջիկա երեք օրվա ընթացքում:
Ընդսմին նա նշել է, որ խոսքը չի վերաբերում ԿԺԴՀ-ի եւ Կորեայի Հանրապետության միջեւ ապառազմականացված գոտու Փանմունջոմ սահմանամերձ վայրին: Associated Press գործակալությունը, վկայակոչելով ԱՄՆ-ի վարչակազմում իր աղբյուրներին, հայտնել է, որ ներկայում Սինգապուրը այն գագաթնաժողովի առավել հավանական վայրն է, որը պլանավորված է մայիսի վերջին կամ հունիսի սկզբին, հաղորդել է ՏԱՍՍ-ը:
