Պենտագոնը կշարունակի զենք մատակարարել Սիրիայի քրդերին
ԱՄՆ-ի պաշտպանության նախարարությունը կշարունակի օգնություն ցույց տալ եւ զենք մատակարարել Սիրիայի դեմոկրատական ուժերին (ՍԴՈՒ, քրդական կազմավորումներ), չնայած Թուրքիայի կողմից Աֆրինում նրանց դեմ ծավալված գործողությանը: Այդ մասին հայտնել է «Իզվեստիա» թերթը:
«Սիրիայի դեմոկրատական ուժերը մեծ գնով շարունակում են աշխարհն ազատել «Իսլամական պետությունից»,- հայտարարել են հրատարակությանը ԱՄՆ-ի զինված ուժերի Կենտրոնական հրամանատարությունում՝ ի պատասխան այն հարցին, թե Նահանգները կզինեն եւ մատակարարումներ կիրականացնեն արդյոք քրդերին:
ԱՄՆ-ի ռազմական գերատեսչության ներկայացուցիչները հավելել են, որ իրենք «պարտավոր են եւ տրամադրված աջակցելու Քրդական դեմոկրատական ուժերին Սիրիայում եւ Իրաքում «Իսլամական պետության» վերջնական պարտության ապահովման համար մղվող պայքարում», հաղորդել է «Ինտերֆաքս»-ը:
