Տերմինալներից գողությունները տարածվում են
Մայրաքաղաքի երկու վարչական շրջաններում նախօրեին գրանցվել է գողության երկու դեպք՝ երկուսն էլ «Իզի Փեյ» ՍՊԸ-ին պատկանող տերմինալներից:
«Փաստինֆո»-ի տեղեկություններով՝ տերմինալներից մեկը գտնվել է կենտրոնում, իսկ մյուսը՝ Արաբկիր վարչական շրջանում, երկու դեպքում էլ տեխնիկական միջոցների գործադրմամբ են կոտրել տերմինալների դռները:
Թե որքան գումար են գողացել տերմինալներից, կպարզվի քննությամբ, սակայն, մեր տեղեկություններով, գողության դեպքերը կատարվել են գրեթե նույն ժամին՝ 17.00-ից մինչև 17.30-ի սահմաններում:
