«Ազիզ, լա դենը, դբա լավը, ըմանչիլ մի». Zangi-ի նոր ստիկերները՝ Լոռվա բարբառով
«Մի զադ էլ ա կա ոչ», «ա դե բրախի», «ըմանչիլ մի», «ազիզ, լա դենը» և այլ բարբառային արտահայտություններով ստիկերներն արդեն հասանելի են Zangi հավելվածի օգտատերերին։ Լոռվա բարբառով ստիկերների հավաքածուն անվանվել է «Դբա լավը»։
Zangi-ն շարունակում է բարբառներով հայերեն ստիկերների շարքը։ «Դբա լավը» փաթեթում տեղ են գտել 24 հաճախ օգտագործվող, առօրյա խոսակցական բառեր, որոնց հավաքագրմանն ու փաթեթի ստեղծմանն ակտիվ մասնակցութուն են ունեցել լոռեցիները։ Zangi-ի ֆեյսբուքյան էջում տեղադրված հրապարակման մեկնաբանություններում ավելի քան 1200 բառերի և արտահայտությունների առաջարկներից առանձնացվել են լավագույնները։
«Առաջարկված բառերի մեջ առաջատար էր «դբա լավը» արտահայտությունը։ «Լա մի շըշացրա», «արի կուշտըս», «լա լսի», «ազիզ, լա դենը» հաջորդաբար լրացնում են առաջատարների ցուցակը։ Հետաքրքիր ու հումորային առաջարկները շատ էին, հավանաբար Լոռվա բարբառով մեկ այլ փաթեթ կստեղծենք»,- մեկնաբանում է Zangi-ի կոմերցիոն տնօրեն Վիգեն Ավանեսյանը։
«Լոխ լյավա» և «Ի՞նչխ թե» փաթեթների շարքը համալրած «Դբա լավը» փաթեթը հարստացնում է Zangi-ի ստիկերների շտեմարանը՝ Արցախի, Գյումրիի և Լոռվա բարբառներով։ Նախատեսվում է ստեղծել Գավառի, Ջավախքի բարբառով՝ նաև արևմտահայերեն ստիկերների փաթեթներ։
Zangi հավելվածը մուտք գործեց միջազգային շուկա 2015թ.-ին և հանդիսանում է առաջատար միջազգային B2B (Business-to-Business) շուկայում՝ համագործակցելով աշխարհի 12 երկրների 20+ ընկերությունների հետ։ Zangi-ն աշխատում է ամենուր՝ ապահելով որակյալ կապ նույնիսկ թույլ ինտերնետի ժամանակ։
Սիրարփի Աղաբաբյան
