Mango-ն մոդելներին ուղարկել է ուսումնասիրելու գաղտնի լողափը
Mango իսպանական մակնիշը ներկայացրել Է նոր գովազդային արշավ, որի գլխավոր հերոսներն են՝ Արիզոնա Մյուզը, Սոֆյա Արենսը եւ Ալաննա Արինգտոնը: Ըստ սյուժեի, նրանք ուսումնասիրում են գաղտնի լողափը, որը հեռու է կողմնակի մարդկանց հայացքներից:
Գարուն-ամառ տարեշրջանի հագուստի հավաքածուում տեղ են գտել կրոպ-տոպերը՝ չմշակված եզրերով, ձեռագործ տոպերը, բարձր գոտկատեղով քաթանից կարված շալվարները, քուղակապերով ոճավոր լողազգեստները եւ բիկինիները՝ էթնիկական մոտիվներով, ինչպես նաեւ ծաղկավոր տունիկաները: Հավաքածուի գլխավոր մոդելներից մեկը ծալքավոր գործվածքից պատրաստված արծաթագույն երկարափեշ զգեստն է, որը հիշեցնում է ջրահարսի եղջերաթեփը:
Mango-ն մասս-մարկետ սեգմենտի հագուստի իսպանական արտադրող է: Ընկերությունը հիմնադրվել է 1984 թվականին, կենտրոնակայանը գտնվում է Բարսելոնում:
