Իրանի և Սիրիայի ԱԳ նախարարները քննարկել են Հալեպին հումանիտար օգնություն ցուցաբերելու հարցը
Իրանի արտաքին գործերի նախարար Մոհամմադ Ջավադ Զարիֆը հեռախոսազրույցի միջոցով Սիրիայի ԱԳ նախարար Վալիդ Մուալեմի հետ քննարկել է Հալեպում իրավիճակը: Այդ մասին տեղեկացրել է Իրանի ԱԳ նախարարության մամուլի քարտուղար Բահրամ Կասեմին:
«Նրանք քննարկել են Հալեպում վերջին իրադարձությունները, այնտեղից գրոհայինների դուրս գալը, ինչպես նաև քաղաքի բնակիչներին հումանիտար օգնություն ցուցաբերելու հարցը»,- ինչպես հաղորդում է Sputnik-ը, ասել է Կասեմին: Նրա խոսքով՝ սիրիական դիվանագիտության ղեկավարը տեղեկացրել է իր գործընկերոջը, որ կառավարությունը շարժվում է հանձնվող գրոհայինների ավտանգ դուրս բերման ուղղությամբ և հումանիտար օգնություն է ցուցաբերում Հալեպի բոլոր բնակիչներին:
