Իտալիայում գետը դուրս է եկել ափերից, մարդիկ տարհանվում են
Իտալիայի հյուսիս-արևմուտքում հորդառատ անձրևների պատճառով Տանարո գետը դուրս է եկել ափերից։ Իշխանությունները փակել են դպրոցներն ու կառավարական հաստատությունները, չեն գործում խանութները, հայտնում է Corriere Della Sera պարբերականը։
Բոլոր կամուրջներն ու գետի երկայնքով ճանապարհները ոստիկանությունը փակել է։ Փրկարարները տարհանում են տեղի բնակիչներին։ Մարդիկ փորձում են ավազե պարկերով կասեցնել ջրի հոսանքը դեպի իրենց տներ։
Զոհերի մասին տեղեկություններ չկան։
Անձրևները շարունակվում են, ինչը նշանակում է, որ իրավիճակը կարող է վատթարանալ։
