Թուրքիան պլանավորում է հարձակվել Սիրիայի Մանբիջ քաղաքի վրա
Թուրքիայի նախագահ Ռեջեփ Էրդողանը հայտարարել է, որ ԴԱԻՇ-ից սիրիական Էլ-Բաբ քաղաքն ազատագրելուց հետո թուրք զինվորականներն ու Սիրիայի ընդդիմադիր ազատ բանակը կհարձակվեն Մանբիջ քաղաքի վրա, հայտնում է RIA Novosti-ն։
«Էլ-Բաբից հետո մենք առաջ կշարժվենք, դեպի Մանբիջ։ Այնտեղ գտնվում է սիրիացի քրդերի ահաբեկչական կազմակերպությունը։
Նրանք պետք է հեռանան արևեք, նրանք դա խոստացել են անել։ Ասում են՝ նրանց մի մասն արդեն հեռացել է։ Այդ հողերը նրանցը չեն, այնտեղ ապրում են արաբներ։ Թող արաբներն այդտեղ էլ ապրեն։ Թուրքիան չի պատրաստվում այնտեղ մնալ»,- հայտարարել է նա։
