Մոսկվայում Դեդ Հասանից հետո առաջին «օրենքով գողն» է սպանվել
Հոկտեմբերի 31-ին բժշկական կենտրոն է տեղափոխվել 40-ամյա «օրենքով գող» Գեորգի Շիրինովը, ով քրեական միջավայրում առավել հայտնի է որպես Գիո Գյուրզա: Թեև վերջինիս բժշկական օգնություն է ցուցաբերվել, գլխի հատվածում ստացած վնասվածքն անհամատեղելի է եղել կյանքի հետ։ Երկու օր անց նա մահացել է: Այս մասին հայտնում է primecrime.ru կայքը։
Ծեծի ենթարկված Գեորգի Շիրինովին տուն են բերել ավտոմեքենայով, ինչից հետո նրա ընտանիքի անդամները շտապօգնություն են կանչել, և նրան տեղափոխել են հիվանդանոց: Միջադեպի հանգամանքները ճշտվում են։
Կենցաղային պատճառներով առաջացած միջադեպի վարկածից բացի՝ շրջանառվում է ևս մեկը, որ Շիրինովի մահը կարող է կապված լինել նրա «մասնագիտական» գործունեության հետ, այսինքն՝ նա դարձել է քրեական աշխարհի նոր զոհը։ Հատկանշական է, որ 2013թ. Դեդ Հասանի սպանությունից հետո օրենքով գողերին սպանել են Ռուսաստանի տարածքից դուրս։
