Առաջին օտարերկրյա հանդիպումն ընտրվելուց հետո Թրամփը կանցկացնի Ճապոնիայի վարչապետի հետ
Ճապոնիայի վարչապետ Սինձո Աբեն կդառնա առաջին օտարերկրյա առաջնորդը, ում հետ կհանդիպի Դոնալդ Թրամփը ԱՄՆ նախագահական ընտրություններից հետո, հայտնում է BBC-ն։
Նախընտրական քարոզարշավի ընթացքում Թրամփը մասնակի քննադատում էր ազատ առևտրի մասին համաձայնագիրը, որը Բարաք Օբամայի նախաձեռնությամբ կնքվել էր Ճապոնիայի և Ասիա-խաղաղօվկիանոսյան 10 երկրների հետ։
Ճապոնիայում անհանգստություն էին առաջացրել Թրամփի հայտարարություններն այն մասին, որ Ճապոնիան և Հարավային Կորեան պետք է ավելի շատ ջանքեր գործադրեն իրենց պաշտպանելու համար։
Թրամփը մեղադրել էր Տոկիոյին և Սեուլին նրանում, որ նրանք չափազանց քիչ են վճարում իրենց երկրներում գտնվող ամերիկյան ռազմական կոնտինգենտին պահելու համար։
ԱՄՆ նախագահ ընտրվելուց հետո Թրամփը փոքր-ինչ մեղմել է իր հռետորաբանությունը, սակայն դեռևս կասկածներ կան՝ արդյոք կպահպանվեն ամերիկյան քաղաքականության սկզբունքները Ասիայի երկրների նկատմամբ։
