«ՀՀ կառավարության պարտքը պարտավորեցնում է ավելի զգուշավոր մոտենալ բյուջեի պլանավորմանը». Գագիկ Մինասյան
Այս տարվա ՀՆԱ-ն նախատեսվածից փոքր է ստացվել, նաև կտրուկ ավելացել է դեֆիցիտը, կառավարության պարտքը գերազանցում է ՀՆԱ 50%-ը, որը պարտավորեցնում է ավելի զգուշավոր մոտենալ բյուջեի պլանավորմանը: Այս մասին այսօր ԱԺ Ֆինանսավարկային և բյուջետային հանձնաժողովի նիստի ժամանակ ասաց ՀՀԿ-ական պատգամավոր, հանձնաժողովի նախագահ Գագիկ Մինասյանը:
Ըստ նրա` դեֆիցիտի չափն իջեցվել է 3% ցածր մակարդակի, և մի շարք քայլեր են ապահովվել, որ բյուջեի իրատեսական պլանավորում իրականացվի: Գ.Մինասյանի խոսքով` մեր տնտեսության աճն ավելի բարձր տեմպերով է պլանավորված` 3.2%, քան ԵՏՄ-ի, Արևելյան Եվրոպայի և ԵՄ-ի հետ համեմատելիս:
«Մեր տնտեսական աճը գերազանցում է առանձին ԵՄ բոլոր երկրների, ընդհանուր ԵՄ-ի և Արևելյան Եվրոպայի երկրների տնտեսական աճը»,- ասաց Գ.Մինասյանը:
