Ավստրալիայում բժշկական նպատակներով օրինականացրել են մարիխուանան

Ավստրալիայում թույլատրվել է մարիխուանայի արտադրությունն ու կանեփի աճեցումը բժշկական կարիքները հոգալու նպատակով, հայտնում է ТАСС-ը։

Օրենքում համապատասխան փոփոխությունները հավանության էին արժանացել դաշնային խորհրդարանի կողմից այս տարվա սկզբին և ուժի մեջ մտել այս շաբաթ։

Նորացված օրենքը թույլատրում է մայրցամաքում հիվանդների բուժման նպատակով կանեփի աճեցումը։

Ինչպես հայտնել է Ավստրալիայի առողջապահության նախարար Սյուզան Լին, ներկայումս մարիխուանան ներառվել է «նյութ, որը ենթակա է հսկողության» ցուցակում։

Այլ կերպ ասած՝ առողջ ավստրալացիների համար մարիխուանան մնում է արգելված թմրանյութ, որի օգտագործումը պատժվում է օրենքով։