Ղրղըզստանում հայտնել են պատճառները, որոնց պատճառով ԵՏՄ-ն չի կարող ընդլայնվել
Եվրասիական տնտեսական միությունը չի կարող լիարժեքորեն գործել ու ընդլայնվել, քանի դեռ պահպանվում են ներքին խոչընդոտները, այսօր հայտարարել է Ղրղըզստանի վարչապետի պաշտոնակատար Սորոնբայ Ժենբեկովը ԵՏՄ-ի միջկառավարական խորհրդի նիստում, հայտնում է RIA Novosti-ն։
«Եվրասիական տնտեսական միությունը չի կարող լիարժեքորեն գործել և ընդլայնվել, քանի դեռ պահպանվում են ներքին խոչընդոտները։ Մինչ այն պահը, երբ ԵՏՄ-ն կներկայացնի երրորդ երկրների հետ առևտրի արտոնյալ ռեժիմը, անհրաժեշտ է վերացնել Միության ներսի բոլոր արգելքները՝ ապահովելու ԵՏՄ-ի երկրների ապրանքների լիարժեք ազատ տեղափոխությունը»,- ասվում է նրա հայտարարության մեջ։
Սորոնբայ Ժենբեկովը նշել է, որ «ցանկացած որոշման դեպքում շատ կարևոր է, պաշտպանելով սեփական ազգային շահերը, աջակցել միմյանց, ամրապնդել եվրասիական ինտեգրացումը ինչպես ներսում, այնպես էլ գլոբալիզացիայի պայմաններում»։
