Աֆղանստանում անհայտ անձը ամերիկացի երկու խորհրդականի է գնդակահարել
Աֆղանական բանակի զինծառայողի համազգեստ հագած անհայտ անձը Քաբուլում ՆԱՏՕ-ի ռազմաբազայի հարևանությամբ սպանել է երկու ամերիկացի խորհրդականի՝ քաղծառայողի և զինվորականի:
Վիրավորվել է ևս 3 ամերիկացի՝ 1 զինվորական և 2 քաղաքացիական ծառայող: Զինվորները պատասխան կրակ են բացել և սպանել հարձակվողին, հայտնում է BBC-ն:
Աֆղանստանի պաշտպանության նախարարության տվյալով՝ Քաբուլում ռազմաբազայի վրա հարձակումը տեղի է ունեցել երեկ առավոտյան:
