Հռոմի պապի «պապամոբիլները» Լեհաստանում վաճառվել են բարեգործական նպատակներով
Երեք Volkswagen Golf ավտոմեքենաները, որոնցով Լեհաստան այցի ժամանակ տեղաշարժվել է Հռոմի պապ Ֆրանցիսկոսը, աճուրդում վաճառվել են 253 հազար զլոտիով (գրեթե 65 հազար դոլար), հայտնում է RIA Novosti-ն։
Հռոմի պապը Կրակով էր այցելել հուլիսի վերջին՝ մասնակցելու «Երիտասարդության համաշխարհային օրեր» կաթոլիկ փառատոնին։
Ուղևորության ժամանակ նա տեղաշարժվել էր POPE համարանիշներով 4 ավտոմեքենաներով։
Ինչպես հայտնում է լեհական ռադիոն, մեքենաներից յուրաքանչյուրը վաճառվել է մոտ 22 հազար դոլարով։
Վաճառքից գոյացած գումարը փոխանցվել է Կրակովի թեմի բարեգործական կազմակերպությանը, որը պլանավորում է դրանք ծախսել Լիբանանում սիրիացի փախստականների համար շարժական հիվանդանոցի և Լեհաստանում տարեցների և հաշմանդամների տան վերազինման վրա։
