Պաղեստինի ինքնավարության առաջնորդը հիվանդանոց է տեղափոխվել
Պաղեստինի ինքնավարության առաջնորդ Մահմուդ Աբասը հիվանդանոց է տեղափոխվել բժշկական զննության նպատակով, հայտնում է BBC-ն։
Ինչպես նշել է նրա վարչակազմի ներկայացուցիչը, խոսքը սրտաբանական հետազոտության մասին է։
Միաժամանակ, նա ընդգծել է, որ Աբասն իրեն նորմալ է զգում, և բժշկական զննությունն անհրաժեշտ է հայտնաբերելու և վերացնելու սրտի անոթների խցանումները։
Նախօրեին՝ Հորդանանից վերադառնալուց հետո, որտեղ Աբասը գտնվում էր պաշտոնական այցով, նա բողոքել է վատ ինքնազգացողությունից և հոգնածությունից։
Մահմուդ Աբասը 81 տարեկան է։ Նա Պաղեստինի ինքնավարությունը ղեկավարում է 2005 թվականից։
