«Ան-Նուսրան» հարձակումներ է պլանավորում Մեծ Բրիտանիայում և Եվրոպայում․Times
Ահաբեկչական «Ջաբհաթ Ֆատահ աշ-Շամը» (նախկինում՝ «Ջաբհաթ ան-Նուսրա», «Ալ Քաիդայի» սիրիական թևը) պատրաստվում է հարձակումներ իրականացնել Մեծ Բրիտանիայում և Եվրոպայում, հայտնում է Times-ը։
Պարբերականի տեղեկություններով՝ «Ջաբհաթ ան-Նուսրան» պլանավորում է ահաբեկչություններ իրականացնել Սիրիայում և Իրաքում ԴԱԻՇ-ի վիճակի վատթարացման ֆոնին։
Միացյալ Թագավորության պաշտպանության նախարար Մայքլ Ֆելլոնի խոսքով՝ «Ջաբհաթ Ֆատահ աշ-Շամը» «ուղղակի սպառնալիք» է Մեծ Բրիտանիային և ողջ Եվրոպային։
Հաղորդվում է, որ խմբավորման առաջնորդները ներկայումս ակտիվորեն մշակում են հարձակումների պլանը։
