ՆԱՏՕ-ում հայտարարել են, որ մտադիր չեն մասնակցել ԴԱԻՇ-ի դեմ գործողություններին
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ մտադիր չէ մասնակցել ԴԱԻՇ-ի դեմ գործողություններին։
«ՆԱՏՕ-ն չի մասնակցի ռազմական օպերացիաներին։ ՆԱՏՕ-ն կուսուցանի ուժերին, մենք դրանով ավելի շատ կզբաղվենք, քանի որ երկարաժամկետ հեռանկարում լավ կլինի, որ իրաքյան ուժերը կարողանան ինքնուրույն պայքարել ԴԱԻՇ-ի դեմ, քան գործողությունն անցկացնի ՆԱՏՕ-ն»,- Աֆղանստանում միջազգային համաժողովի ժամանակ լրագրողներին ասել է Ստոլտենբերգը։
Ավելի վաղ դաշինքը բազմիցս հայտարարել է, որ մտադիր չէ մասնակցել Սիրիայում և Իրաքում ԴԱԻՇ-ի դեմ օպերացիաներին, սակայն աջակցում է ԱՄՆ-ի ղեկավարած կոալիցիայի ջանքերին։
