ԱՄՆ-ում պայթյունի հետևանքով 2 տուն է ոչնչացել, կան տուժածներ

ԱՄՆ-ի Պատերսոն քաղաքում ուժեղ պայթյուն է որոտացել՝ 2 տուն ամբողջությամբ ոչնչացել է, ևս 13-ն ստացել է վնասվածքներ։ Այս մասին հայտնում է NJ.com-ը։

ԶԼՄ-ների տեղեկություններով՝ պայթյունից որոշ ժամանակ առաջ բնակիչները դիմել էին փրկարարներին՝ բողոքելով գազի հոտից։ Հրշեջները հասցրել են տարհանել բոլոր բնակիչներին։

Պայթյունի ժամանակ տուժել է 15 հրշեջ և 3 ոստիկան, նրանց տեղափոխել են հիվանդանոց։ Բնակիչներից ոչ ոք չի տուժել։