«Հանկարծ Բելգիա-մելգիա չգործուղեք, կարող է կոտրվածքներով տուն գա». Տիգրան Ուրիխանյանը՝ Արմեն Աշոտյանի մասին
Ազգային ժողովում պատգամավոր Տիգրան Ուրիխանյանը, որը մանդատից հրաժարվելու դիմում է ներկայացրել ԱԺ նախագահին, այսօր ԱԺ-ում հայտարարությունների ժամին անդրադարձավ իր և Ստեփան Սաֆարյանի միջև սոցիալական ցանցերում ծավալվող բանավեճին։
Նա հայտարարեց, որ Ս. Սաֆարյանի հովանավորը ՀՀԿ փոխնախագահ Արմեն Աշոտյանն է։ Տ. Ուրիխանյանը, տարբեր վիրավորանքներ հնչեցնելով Ս. Սաֆարյանի հասցեին, դիմեց նախագահ Սերժ Սարգսյանին՝ հորդորելով Ա. Աշոտյանին կրկին Բելգիա չուղարկել. «Մեկ էլ, հանկարծ Բելգիա-մելգիա չգործուղեք, կարող է արդարությունը վրա հասնի, կոտրվածքներով տուն գա, քանի որ իր անվտանգությունն այլևս ոչ մեկ երաշխավորել չի կարող»։
