Վրաստանում զինված հարձակում են գործել պաշտպանության նախկին նախարար Իրակլի Օքրուաշվիլիի վրա
![](https://168.am/wp-content/uploads/2016/10/56bc16870236836ec1c1c1c31e8f58e6.jpg)
Երեկ երեկոյան Գորիում զինված անձինք հարձակվել են Վրաստանի պաշտպանության նախկին նախարար Իրակլի Օքրուաշվիլիի վրա, երբ վերջինս հանդիպում էր անցկացնում ընտրողների հետ, հայտնում է «Գրուզիա օնլայնը»։
Հարձակման հետևանքով վիրավորվել է Օքրուաշվիլիի թիկնապահը, ինչպես նաև «Վրացական երազանք» կուսակցության ակտիվիստներից մեկը։ Վրաստանի ՆԳՆ-ն քրեական գործ է հարուցել։ Օքրուաշվիլին կատարվածի մեջ մեղադրել է Վրաստանի էներգետիկայի նախարար Կախա Կալաձեի աներորդուն։
«Ազատ դեմոկրատներ» կուսակցության առաջնորդ, Գորիի մեծամասնական թեկնածու Իրակլի Ալասանիան պահանջել է Վրաստանի իրավապահներից անհապաղ հետաքննել Իրակլի Օքրուաշվիլիի վրա կատարված հարձակումը։
Հայտարարությամբ է հանդես եկել նաև «Վրացական երազանք» կուսակցությունը։ Հայտարարության մեջ կուսակցությունը նշել է, որ առնչություն չունի կատարվածին և խնդրում է չքաղաքականացնել տվյալ իրավիճակը։