Թայսոն Ֆյուրիի դոպինգ-նմուշում կոկաին է հայտնաբերվել
Թերևս, Վլադիմիր Կլիչկոյի հետ երկրորդ մենամարտը, այնուամենայնիվ, չի լինի:
Ինչպես հաղորդում է ESPN-ը, WBA և WBO վարկածներով աշխարհի չեմպիոն Թայսոն Ֆյուրիի դոպինգ-նմուշում կոկաին է հայտնաբերվել:
Նմուշը մարզիկից վերցվել է սեպտեմբերի 22-ին: Նշվում է, որ բրիտանացին կարող է զրկվել բոլոր չեմպիոնական տիտղոսներից:
Ֆյուրին պրոֆեսիոնալ ռինգում ոչ մի պարտություն չի կրել. 25 մենամարտ՝ 25 հաղթանակ (18-ը՝ նոկաուտով):
Վլադիմիր Կլիչկոն կարիերայում տարել է 64 հաղթանակ (53-ը՝ նոկաուտով) և կրել է 4 պարտություն:
Պատրաստեց Անի Գաբուզյանը
