ԱՄՆ պետքարտուղար Ջոն Քերին ժամանել է Վրաստան
ԱՄՆ պետքարտուղար Ջոն Քերիի ինքնաթիռը վայրէջք է կատարել Թբիլիսիի միջազգային օդանավակայանում, հայտնում է RIA Novosti-ն:
Քերիի այցը կրում է պաշտոնական բնույթ, նա Վրաստանից կհեռանա վաղը: Օդանավակայանում Քերիին դիմավորել են Վրաստանի արտգործնախարարը, նրա տեղակալը, Վրաստանում ԱՄՆ դեսպանը: Վրացական հեռուստատեսությունը հայտնում է, որ ձեռնարկվել են անվտանգության խիստ միջոցառումներ:
Առաջին հերթին, Քերին կմասնակցի Վրաստան-ԱՄՆ ռազմավարական Խարտիայի լիագումար նիստին, այնուհետ կհանդիպի Վրաստանի վարչապետի, նախագահի, իշխանությունների և ընդդիմության ներկայացուցիչների հետ:
Նախատեսվում է նաև նրա և Վրաստանի վարչապետի համատեղ մամուլի ասուլիսը:
Վրաստանի իշխանությունները Քերիի այցը հատկապես կարևորում են հոկտեմբերի 8-ին կայանալիք խորհրդարանական ընտրությունների ֆոնին:
