Կրետեի ափերի մոտ խորտակված նավում եղել է 350 ներգաղթյալ
Հունական Կրետե կղզու ափերի մոտ խորտակված նավում եղել է շուրջ 350 մարդ:
Ինչպես հայտնել է Հունաստանի առափնյա պահպանությունը, 318 մարդու հաջողվել է փրկել, 10 մարդ ջրահեղձ է եղել:
Որոնողական-փրկարարական օպերացիայի ղեկավարումը հանձնվել է եգիպտական իշխանություններին: AFP գործակալությունը, հղում կատարելով Միգրացիայի միջազգային կազմակերպության տվյալներին, հայտնել է, որ խորտակված նավակում եղել է նվազագույնը 700 մարդ: Ներգաղթյալներին տեղափոխող նավը, որն ուղևորվում էր Եգիպտոսից, խորտակվել էր Կրետեից 120 կմ հարավ: Դեպքը տեղի է ունեցել նախօրեին՝ գիշերը:
